بمناسبة اليوم الوطني للمملكة العربية السعودية

[راجي الوصل]

كل المعاني السامية قد تجلت
باعظم بطولة قادها الصقر شيهان

عبدالعزيز بهمةٍ قد تعلت
صمّم على حلمه وحققه مالان

دخل رياض العز من بعد ملّت
فراق سادتها وهو حيل عطشان

واقبل لها خاطب وهي له تحلت
يدفع لها مهر ٍ تغلى بالاثمان

مهره لها جد ٍ وروح ٍ تملت
عزم ٍ وتصميم ٍ ومجهودْ وإيمان

ورحبت بالشيخ حب ٍ وهلت
وصارت لذاك الصقرمربع وميطان

وعاشت بظله وافية ما تخلت
تحفظ له المعروف لو طالت ازمان

نفسه عزيزة ما حصل يوم كلّت
ايلين وحدها بتوفيق رحمان

وصارت بلادْ موحدة واستقلت
عن كل ضيمْ وعاشت بعزْ وامان

وشفنا السعادة والمسرات حلت
وصرنا بفضل الله في وضع الاخوان

من عقب تشتيتٍ وحربٍ تصلت
وظلم ٍ وتشريد ٍ وقتل ٍ وعدوان

عشنا الحضارة والجهالات ولّت
والنهضة العظمى على كل ميدان

مصانع ٍ قامت وفيها استظلت
بيض السحاب اللي لها فوق عـُـلوان

والجامعات بكل الارجا تعلت
منها تخرج كل عالم وفهمان

والا المدارس يوم بالنور شلت
الناس من جهل ٍتأصّل بالابدان

وعندنا القوات بالنصر خلّت
المعتدي يرجع ذليل ٍ وخسران

يافخرنا يوم المطاليق سلّت
سيوفها اللي حطمت كل شيطان

بالمملكه كل المخاليق صلّت
حمد ٍ لمن قيّض لنا ذاك الانسان

عبد العزيز اللي له الكود ذلّت
ايلين وصّل حدها حد نجران
ــــــــــــــــــــــــــــــــــــــــــــــــــ ــــــ
( أرجو تثبيت القصيدة . . . إن كانت تستحق)

[همسـات]

رااجي الوصل..

الله يعطيك ألف عافية اخوي..

و تسلم يمنااك ع القصيدة الرااائعة..

عساك دووم عالقوة..

لك فائق احترامي..



الله يحفظك،،




..

[راجي الوصل]

شكرررررررا لك اختي بنت الدار

شهادتك لقصيدتي تكفيني

الله يعطيك العافية

[أميرة الإحسآس]

قصيده جميله ورائعه اخوي


يعطيك العافيه على الطرح المميز


تحياااتي لك

[وضحى]

بالمملكه كل المخاليق صلّت
حمد ٍ لمن قيّض لنا ذاك الانسان

صح لساانك اخوي

ولا حرمنا جديدك الطيب

[راجي الوصل]

شكرا لمن مر وعقب

اسعدني مروركم

لاهنتوا