بسم الله الرحمن الرحيم)
تحياتي للجميع
~~~~~~~~~~~~~~~~
لا صرت بايعني اشوفك على خير
دام السلامه ماش مامن سلامه
~~~~~~
قلت انتهيناء قلت خير ياطير
ماني بأول شخص يخسر غرامه
~~~~~~
محذرك من قبلهاء الف تحذير
لا عفتني بيعيف قلبي اهيامه
~~~~~
ماني بميت لا ولا احتاج تبرير
صح الله السانك ووفر كلامه
~~~~~~~
بسمعك حبكه وفكره وتصوير
وفهم عدل يامدعي بالفهامه
~~~~~~~
وجه الشعر ابيض ويحتاج تغيير
ودي تزين هالقصيده علامه
~~~~~~
ماضيك الاسود بذكره دون تقصير
كذا يكون بخده الشعر شامه
~~~~~~
يصدق معي تعبير ويخون تعبير
ياضيعت الشاعر بوقت انسجامه
~~~~~
يمكن خطاء ادونك بالشعر مير
لو محترمتك للغرام احترامه
~~~~
ماكان حبك غير بس طعنتك غير
علمتني معناء الندم والندامه
~~~~~~~
ماجاك مني اي زله وتقصير
كل ماخطيت اعاتبك ببتسامه
~~~~~~~
حسبي على الذكرا اذا هبت اعصير
ماعد تنفع شرهتي والملامه
~~~~~~
البال ذامي وقتهاء والحزن بير
خسرتك وهمي كسب اهتمامه
~~~~~~
والليل فازعلك كذا جاني امغير
ظلمتني وكثر ظلمني ظلامه
~~~~~~
لا قبل على اوحيت صوت المسايير
وفزيت كل ضيف اقوم ابمقامه
~~~~
ولا عزم هالليل ضيقه وتفكير
قلي بربك كيف بقدر انامه
~~~~~
مافيه داعي للعتب والماعذير
الغدر خال الجرح وطيب عمامه
~~~~~~
اما يجيب الله مطر تالي بخير
ولا السلامه ماش مامن سلامه
~~~~~~~~~~~~~~~~~~~
اتمناء ترضيكم ولكم تحياتي
~~~~
لا صرت بايعني اشوفك على خير......
